Jabetze eskola
Animatu eta parte hartu ikastaroetan eta topaguneetan.
Zertarako?
Kezkak eta esperientziak partekatzeko, gure osasun afektiboa eta emozionala zaintzeko, gure trebetasunak aurkitzeko, elkarrekin ikasteko, gure artean sareak sortzeko… Eta bururatzen zaigun beste edozer gauza egiteko!
Zer da ahalduntzea?
Gure bizitza modu autonomoan, asertiboan, librean eta independentean kudeatzen ikasteko prozesua da.
Izena emateko epea: irailaren 11tik 22ra
Eman izena hemen.
Ikastaroetan parte hartzeko egin zaitez “etxearen lagun”
-
Biodantza: beste begirada bat
Luz Clemente
Musikaren, mugimenduaren eta isiltasunaren bidez, emozioekiko eta existentziarekiko kontaktua erraztuko dugu, autoezagutzan eta hazkunde pertsonalean lagunduz, askatasun handiagoz adierazteko.
-
Jainkosa esnatzea
Amaia Urieta García
Emakume guztiok barruan daramatzagun Jainkosen botereak esnatzen joango gara. Horiekin konektatzeak gorputzeko gozamen kontzientea, bizitzeko atsegina eta gu geu izateko askatasuna berreskuratzea ahalbidetuko digu.
-
Txi Kung ikastaroa: ongizaterako bidean
Marta Kaperotxipi Urain
Ikastaroak ongizate-ariketak, Txi Kung eta armonia berreskuratzeko barne-alkimiako praktikak eskaintzen ditu. Konfiantzazko gune bat sortuko dugu ahalduntzeaz eta ongizate pertsonalaz hitz egiteko.
-
Irakurketa eskola feminista
Iratxe Retolaza Gutierrez
Irakurle-talde honetan ahalduntzean eta feminismoan sakonduko dugu. Hilean behin bilduko gara aurrez irakurri dugun liburu berari buruzko iritziak trukatzeko.
-
Munduko emakume idazleak
Isabel Allende-Robredo
Irakurketa-talde honetan, idazle feminista batzuek idatzitako eleberriak irakurriko ditugu, hainbat herrialdetako emakumeen errealitate soziokulturalak eta borrokak ezagutzeko.
-
Zoru pelbikoa eta autoezagutza
Ane Etxeberria
Ikastaroaren helburua aludunen autoezagutza da; anatomia ulertu, disfuntzioak ezagutu eta nola landu ditzakegun ikastea. Zoru pelbikoa tonifikatzeko eta indartzeko oinarrizko ariketak ikasiko ditugu.
-
Noka ikastaroa
Amaia Zaldua Arrillaga
Noka emakumeei* zuzendutako hizketa da. Ikastaro hau noka hitz egiten ikasi, dakitena hobetu edo praktikan jarri nahi duten emakumeei zuzenduta dago.
