Jabetze eskola

Noka ikasteko, hitz egiteko eta praktika horri kokapen feminista bat emateko ikastaroa da, gorpuztuetatik lan  eginez.

Horrez gain, gaur egungo nokaren erabilerari erreparatuko diogu, bai esparruari dagokionez (komunikabideak, literatura, musika, herrigintza...), bai eskualde eta herriei dagokienez. Ikastaroaren ardatza noka izango da, besteak beste, nokak tokaren aldean duen erabilera egoera eta estatusa dela eta. Hala ere, hastapenean hitanoari buruzko azalpen orokorrak ere emango dira.

Ikastaro honen helburua etxeko ohiko tresna eta zenbait baliabideen matxura eta konponketa txikiak egiteko beharrezkoak diren oinarrizko materialak eta erremintak ezagutu eta ondoren hauek erabilgarri jartzea izango da.​​​​​​​

Irakurketa-talde honetan, idazle feminista batzuek idatzitako eleberriak irakurriko ditugu, hainbat herrialdetako emakumeen errealitate soziokulturalak eta borrokak ezagutzeko.

Irakurle-talde honetan ahalduntzean eta feminismoan sakonduko dugu. Hilean behin bilduko gara aurrez irakurri dugun liburu berari buruzko iritziak trukatzeko.

Fantasia erotikoak onartzeko eta hauekin ahalik eta zoriontsuen bizitzeko ideiak eta baliabideak eskainiko dira. Izan ere, askotan ez ditugu ulertzen, nahasmendua sortzen digute edo hauek ez ditugulako kezkatzen gara. Horregatik, fantasiak erotismotik ulertuko ditugu eta lekua emango diegu eskaintzeko daukatena jaso ahal izateko, norberaren erotika deskubrituz eta besarkatuz.

Tailer honen helburua da etxe bateko finantzen plangintza nola egin azaltzea, ariketak eginez, arazo ekonomikoek sortzen duten familia-estresa murrizteko. Gainera, finantza-ohitura osasungarriak sortzeko tresnak eta gomendioak emango dira, eta zorrak ordaintzeko epea murrizteko metodologia ere azalduko da.

Amarte tailerraren helburua da, artearen bidez, espazio terapeutiko bat sortzea, espazio horretan lotura sozialak indartzeko, elkarri laguntzeko sare bat ehuntzeko, ongizate soziala elikatzeko eta, batez ere, autoezagutzarako eta autozaintzarako espazio seguru bat izateko.

Ikastaro honetan genero indarkeria ulertzen saiatuko gara eta, horretarako, beharrezkoa da fenomeno hori konprenitzea. Nola? saiatuta ulertzen zein den bere dinamika eta zer dagoen zenbait jokabideren oinarrian.

Gure gizarte patriarkalak harreman mota batzuk sortzen ditu: desberdintasunean, hierarkizazioan eta konfrontazioan oinarritzen diren botere-harremanak. Horren guztiaren atzean sinesmen, rol, jarrera… desberdin asko dago eta horiek guztiak azaleratu egin behar dira aldaketak eragiteko

Hortaz, barneratu duguna “tratu txarreko harremanak” dira, eta “tratu ona” da landuko duguna: zer den “tratu ona”, nolako jarrerak bultzatu behar ditugun, nola hezi behar dugun.

Zoru pelbikoa eta faja abdominala tonifikatzeko eta indartzeko ariketak egingo ditugu. Ikastaro praktikoa izango da eta ariketa dinamikoak egingo ditugu, aurrera begira, nork bere kabuz horiek egin ahal izateko.