Politika pentsatzea: tokiko emakume hautetsien harrerarako eskuliburua

Esku artean duzun agiriak zure bidelaguna izan nahi du udalerriko ordezkari politiko moduan emango duzun aldian. Itsasargiaren antzeko eginkizuna dauka, haren argia gida moduan erabiltzen delako itsasontzia porturatu behar dutenentzat. Izan, ere, kostaldea hurbil dagoela jakinarazten die, eta non dauden zehatz mehatz jakiten laguntzen die. Udal-bizimoduko zereginak gehiago ezagutzen diuzten emakume hautetsiek ez dute eskuliburua erabiliko, egoera eta leku ezagunak zeharkatzen badituzte, baina haien gidaria izango da hain ohikoak ez diren toki eta uneetan daudenean. Kargua lehen aldiz euren gain hartzen duten emakume hautetsiei, ordea, tokiko hautetsi moduan garatu beharreko zeregina garatzen lagunduko dien tresna izango da.