Hitzak loratuz: Emakume idazleen irakurketa bateratua

Hitzaren bitartez sare bat sortzeko, apirilaren 23an, liburuaren eguna ospatuko dugu arratsaldeko 18:00etan Emakumeen* Etxean. Ekitaldi horretan, emakume idazleen lanak omenduko ditugu guztion artean. Zuen liburu kuttunena ekarri irakurri ahal izateko, eta beti gure ondoan izan ditugun lerro eta pasarteak irakurriko ditugu.

Izen ematea

​​​​​​​

Ez dut nik

Ez dut nik

gizarteak ixiltzen duena

erakutsi nahi,

ez baitu gizarte honek

          ezer gordetzen

          ikusten dakienari.

Ez dut nik

poesia klasikoen lege

hartaz axolarik,

hitzekin jostatzen ari

          bainaiz juntatuz

          berdin, desberdinak direnak.

Ez dut nik

debru famatu haren beldurrik

adiskideak

bezala nere aldeko

          (debrukeria)

          etsaia nerekilan baitut.

Ez dut nik

zeruko jainkoaren beldurrik

zeren goizero

hango sua ebatsirik

         bainoa beti

          mundu guzia erre nahiz.

(Itxaro Borda, 1997)