Guggenheim Bilbo Museorako irteeraren data berria

Guggenheim Bilbo Museorako irteeraren data berria

Bilboko Guggenheim Museora antolatutako arte-irteera uztailaren 11ra aldatu da.

Arte garaikidea aditu baten eskutik ezagutzeko eta gozatzeko aukera paregabea izango da.

Bisita María José Aranzasti arte-historialariak gidatuko du. Museoko aldi baterako bi erakusketa nabarmen ezagutuko ditugu: Ruth Asawa (Atzera begirakoa) eta Igshaan Adams (Hautsa altxatuz: gorputzaren artxiboa).

Ruth Asawari eskainitako erakusketa, New Yorkeko MoMAtik Bilboko Guggenheim Museora iritsi berria, jatorri japoniarreko artista estatubatuarraren (1926-2013) atzera begirako erakusketa handienetako bat da. Erakusketak artistaren ibilbidea jasotzen du, Bigarren Mundu Gerran, Pearl Harborreko erasoaren ondoren, ama eta neba-arrebekin batera kontzentrazio-esparru batean giltzapetu zutenetik abiatuta. Bizipen horrek eragin sakona izan zuen haren sorkuntzan, eta alanbrez egindako eskultura eseki bereizgarriak garatzera eraman zuen; obra horiek bere ibilbide artistikoaren ezaugarri nagusietako bat bihurtu ziren. Erakusketak 240 obra inguru biltzen ditu, eta Ruth Asawa arte garaikidearen historiako funtsezko artistetako bat dela berresten du. (https://www.guggenheim-bilbao.eus/eu/erakusketak/ruth-asawa-atzerabegirakoa)

Bisita amaitzeko, Igshaan Adams Hegoafrikako artistaren Hautsa altxatuz: gorputzaren artxiboa erakusketa ikusiko dugu. Material xumeak eta artisau-teknikak erabiliz, haren lanek pertsonalaren eta politikoaren arteko loturak aztertzen dituzte, arraza, erlijioa, sexualitatea eta identitatea bezalako gaiak jorratuz. (https://www.guggenheim-bilbao.eus/eu/erakusketak/in-situ-igshaan-adams-hautsa-harrotzen-gorputzaren-artxiboa)

Irteera 09:45ean izango da Zarauzko autobus-geltokitik. Nahiago dutenek 11:15ean zuzenean museoan elkartu ahal izango dira taldearekin. Autobus-geltokira aldez aurretik joatea gomendatzen da.

Interesa duzuenoi ahalik eta lasterren izena ematea eskertuko genizueke, bisita antolatu eta irteera baieztatu ahal izateko.

Izen-ematea honako formulario honen bidez egin daiteke:

https://forms.gle/2KDG24xQmAbcEWTTA

Garraioa eta museorako sarrera parte-hartzaile bakoitzaren kontura izango dira. Bisita baieztatu ondoren, autobus-txartela aldez aurretik erostea gomendatzen da.

Museorako sarreraren prezioa 9 eta 18 euro artekoa da, eta txarteldegian bertan erosi beharko da.